3 aprel 2010 20:03
XL Qarabağı devirdi (YENİLƏNDİ)
Bu gün saat 16.00-dan üç görüşlə “Unibank” Premyer Liqasında 26-cı tura start verildi. Azerisport.az matçların gedişini nəzərinizə çatdırdı.
XL – Qarabağ - 2:1 (1:0)
Qollar: Cvetkov 45 pen (1:0), Mario Souza, 54 (2:0), Adamiya, 61 (2:1)
Neftçi – Qəbələ 1:2
Matç başladı.
Əsasən Neftçinin üstünlüyü ilə keçən qarşılaşmada hesabı gözlənilmədən qonaqlar açıb. Qəbələnin faktiki olaraq, ilk təhlükəli epizodu qolla nəticələni: Milan Antiç cərimə zərbəsindən sonra fərqlənib. Qəbələ təəccübləndirməkdə davam edir.
Fasilə.
İkinci hissə başladı.
Nəhayət, Neftçinin zəhməti bəhrəsini verdi. Rəşad Abdullayev 63-cü dəqiqədə hesabı bərabərləşdirdi.
Oyuna 6 dəqiqə əlavə olunub və... qonaqlar yenə fərqləniblər. Tomaş Ştolpa! 1:2!
Matç başa çatdı.
Simurq – Muğan 1:0
Matç başladı.
İlk dəqiqələrdən hücuma atılan Simurqun 17-ci dəqiqədə istəyinə çatıb. Elşən Məmmədov hesabı açıb.
Fasilə.
İkinci hissə başladı.
Bütün ikinci hissəni müdafiə olunan meydan sahibləri əks-hücumda bir neçə əlverişli imkan yaxalasalar da, nə onların, nə də Muğanın cəhdləri nəticə vermir.
Matç başa çatdı.
OŞ – Turan 4:1
Matç başladı.
Olimpik-Şüvəlanın elə ilk hücumu qolla nəticələnib. 2-ci dəqiqə Anatol Doroş Turanı məyus edib.
Meydan sahiblərinin moldovalı forvardı, deyəsən, çoxlarına çox şey sübut etmək niyyətindədir. Doroş 4 dəqiqə ərzində iki dəfədə fərqlənib və hesab artıq 3:0-dır.
Fasilə.
İkinci hissə başladı.
Olimpik-Şüvəlan şousu davam edir. 62-ci dəqiqədə dos Santos hesabı biabırçı həddə çatdırıb.
84-cü dəqiqədə Turan "quru" hesablı məğlubiyyətdən qaçmağı bacarıb. Nadir Nəbiyev fərqlənib.
Matç başa çatdı.
Turnir vəziyyəti
İlk "altılıq": İnter - 22 xal, XL - 19, Neftçi, Bakı, Qarabağ - 16, Qəbələ - 11
İkinci "altılıq": Simurq - 23, OŞ - 22, Turan - 20, Muğan - 17, Standard - 12, Karvan - 9
