Futbol - yeni döyüş növü, yaxud Qarabağla Neftçinin sonu

Son vaxtlar Azərbaycan futbolu əlbəyaxa döyüş növlərini xatırladır. Hamı dalaşır: azarkeşlər, futbolçular, məşqçilər...

Azerisport.az xəbər verir ki, bizim ölkəmizdə hələ məğlub olmağı, daha doğrusu, ləyaqətlə məğlub olmağı öyrənməyiblər. Dünən Neftçi – Qəbələ görüşündə demək olar ki, heç nədən insident yaşand, futbolçular bir-birilərinə girdilər. Amma diqqətlə baxsaq, görərik ki, bu “heç nədən” yaranmadı. Neftçinin futbolçusu Vladimir Voskoboynikovun “feyr-pley” qaydalarına əməl etməməsi Qəbələ futbolçularını, onların hərəkətləri isə meydan sahiblərini özündən çıxardı. Bununla da matçdan sonra insanlar böyük, məşhur və imkanlı kişilər arasında əsasən balaca uşaqlara xas olan, xalq arasında “kütlə davası” adlandırılan davaya girişdilər.

Sırf oyuna gəlincə, futbolçularının yumruqlarını inamla yelləmələrinə baxmayaraq, onlar meydançada elə bir şey göstərə bilmədilər. Əlbəttə, Neftçi oyunu hücumda keçirdi, qol vəziyyətləri yaratdı, amma qələbə ona daha çox layiq olana və daha güclü çıxana qismət sayıldı. Futbolda isə daha çox qol vuran komanda güclü və qələbəyə layiq hesab olunur. Bu qədər sadə... Qəbələ sensasiyaya imza atdı və baş məşqçisi Ramiz Məmmədovun Avropa iddialarının əsassız olmadığını bir daha sübuta yetirdi.

Digər 3 görüşlə müqayisədə iki saat gec başlanan XL – Qarabağ görüşü zamanı da atmosferdə sanki bir gərginlik. Burada bir həftə əvvəlin hadisələrini unutmamışdılar. İnamla söyləmək olar ki, bu qarşılaşmada qələbə qazanmaq XL üçün şərəf məsələsi idi və cənublular baş məşqçi Ağasəlim Mircacadovun yoxluğunda belə bu vəzifənin öhdəsindən gələ bildilər. Qarabağa isə “hələlik” demək olar. Bu komanda bu mövsüm medal qazana bilməyəcək.

İkinci “altılığ”ın iki qarşılaşmasında yekun mənzərə müəyyənləşdi. Favoritlər – Simurq və OŞ müvafiq olaraq, Muğanla Turana 1:0 və 4:1 hesabları ilə qalib gələrək, “ikinci eşelon”da qələbə uğrunda kimin mübarizə aparacağına aydınlıq gətirdilər.

Turnir vəziyyəti

İlk "altılıq": İnter - 22 xal (13 oyun), XL – 22 (14), Bakı – 16 (13), Neftçi, Qarabağ – 16 (14), Qəbələ - 14 (14)

İkinci "altılıq": Simurq – 26 (14), OŞ – 25 (14), Turan – 20 (14), Muğan – 17 (14), Standard – 12 (13), Karvan – 9 (13)