Azərbaycan Almaniya yığmasının oyunçularına necə qalib gəlib?

Azərbaycan U-19 yığmasının baş məşqçisi Bernhard Lippert Bayer Leverkuzenlə görüşdən sonra (1:0) təəssüratlarını bölüşüb.

“Sevindirici haldır ki, qol buraxmadıq. Avropa çempionatının elit-raundunda müdafiəyə xüsusi diqqət yetirəcəyik və bu gün arxa xətdə sabit oynadıq. Topa biz daha çox sahib olsaq da, hücumda o qədər də kəsərli oynaya bilmədik. Ümumilikdə, oyundan razı qaldıq. Amma unutmaq lazım deyil ki, Bayerin üç futbolçusu yığmanın, bir oyunçusu isə əsas komandanın düşərgəsində olduğu üçün bizə qarşı oynamadı. Faydalı yoxlama oyunu idi və qarşılaşma bizim nəzarətimiz altında keçdi” – azerisport.az xəbər verir ki, AFFA-nın rəsmi saytına açıqlamasında Lippert belə deyib.