Emin Ağayev: Zenitlə oyuna ciddi hazırlaşmışıq

Azərbaycan yığmasının keçmiş müdafiəçisi, hazırda Tver Volqasının şərəfini qoruyan Emin Ağayev bildirib ki, Zenitə müqavimətsiz təslim olmaq fikirləri yoxdur. Azerisport.az xəbər verir ki, “Radio Zenit”ə müsahibəsində komandasının görüşə hazır olduğunu söyləyib: “Zenitlə oyuna ciddi hazırlaşmışıq, rəqibin oyununa baxmışıq, taktiki sxemi gözdən keçirmişik. Türkiyədən – toplanışdan bir neçə həftə əvvəl gəlmişik və Tverdə süni meydançada məşq etmişik. Belə demək mümkünsə, təbii meydança görməmişik: Tverdə hələ də qar yağır

 

Düşünürəm ki, bir oyuna ciddi hazırlaşmaq və yüksək məsuliyyətlə oynamaq olar. Bunu həyata keçirməyə çalışacağıq.

 

Matç Tverdə baş tutsaydı, bizə daha asan olardı. Lakin biz Peterburqda oynayırıq və azarkeşlərin təzyiqinə hazırıq. Hər halda, Zenit şəhərin premyer liqada oynayan yeganə komandasıdır. Burada futbol ruhu hiss olunur”.