Neftçidə kamikadzelər

"Neftçi"nin Dostları” Sülh və Mətbuat Klubu komandanın hazırkı durumu və qarşıdakı prinsipal olyunlarla bağlı flaqmanın futbolçularına müraciət edib. Azerisport.az xəbər verir ki, müraciət də deyilir:

 

 “Biz çox istərdik ki, Neftçinin şərəfini qoruyan futbolçular Azərbaycanın bir nömrəli komandasında top qovduqlarını hər saniyə yadlarında saxlasınlar. Neftçi ən ağır və keçici bir mərhələ yaşayır. Hər kəs bu komandanı xalqın qəlbindən silmək üçün öz “futbol  saatları”ndan tutmuş agentlik və qəzetlərinə qədər olmazın murdar əməlləri ilə məşğuldurlar. Amma bir şey var ki, Neftçi bu xalqın qəlbində yüz illər sonra da yaşayacaq və Avropada sözünü deyəcək. Adamı yandıran odur ki, flaqmana qarşı bu kampaniyanı aparanlar iyirmi-otuz nəfər “azarkeşi”ilə çempionluqlarını qeyd edənlər, yalnız pul-para verib Azərbaycan  KİV-lərində özlərini gözə soxmağa çalışan həvəskar məhəllə klublarıdır. Biz Neftçinin futbolçularına üz tuturuq: Uşaqlar, bundan sonrakı ölüm-dirimə bərabər oyunlara əsl kamikadze kimi çıxın. Xüsusilə Quzanlıda Qarabağla keçiriləcək qarşıdakı oyunda hər qarış uğrunda döyüşün. Döyüşün ki, bizə qarşı nifrət yaratmaq üçün dəribən-qabıqdan çıxanların ağızlarını birdəfəlik yumaq. Xalq sizin arxanızdadır!”