Foqtsun diqqətinə: onlara bax!
Aprelin 19-22-si aralığında Bakıda milli komandanın seleksiya xarakterli toplanışı olacaq. Azerisport.az xəbər verir ki, bir müddət əvvəl bu barədə məlumat yayan AFFA-nın rəsmi saytı Berti Foqtsun kimi necə seçəcəyini dəqiqləşdirməyib.
Elə assosiasiyadan aldığımız məlumata görə, bu toplanışda Azərbaycan klublarının və aşağı yaş qruplarından ibarət yığmaların futbolçuları iştirak edəcək. Bu oyunçular Foqtsun Azərbaycanda çalışdığı təxminən 2 il ərzində ya əsas komandaya dəvət almayıb, ya da rəsmi görüşlərdə meydançaya çıxa bilməyib. Hələ ki, almaniyalı mütəxəssis toplanışın iştirakçılarının siyahısını açıqlamayıb. Lakin azerisport.az-ın müəyyən düşüncələri var.
Yüksək səviyyəli yerli futbolçuların sayı məhduddur və onların əksəriyyəti bu gün milli komandaya dəvət alıb. Düşünüb-daşınmadan yığmada çıxış etməyə layiq olan, lakin məşqçi korpusunun “unutduğu” oyunçu tapmaq çətindir. Amma klubların heyətinə diqqət yetirsək, orada heç olmasa baxışdan keçməyə layiq olanlar var. Onlardan bəzilərini sizin nəzərinizə çatdırırıq. Bir daha qeyd edirik ki, onlar yalnız saytımızın ən layiqli hesab etdikləridir.
Əziz Quliyev (Bakı), yarımmüdafiəçi, 02.05.1987
Fuad Əhmədov (Simurq), qapıçı, 14.01.1988
Elşən Məmmədov (Simurq), hücumçu, 04.05.1980
Rasim Ramaldanov (Simurq), müdafiəçi, 24.01.1986
Nizami Hacıyev (XL), hücumçu, 08.02.1988
Ramazan Abbasov (XL), yarımmüdafiəçi, 22.09.1983
Namiq Yusifov (Qarabağ), yarımmüdafiəçi, 14.08.1986
Tərlan Xəlilov (OŞ), yarımmüdafiəçi, 27.07.1984
Arif İsayev (Standard), hücumçu, 28.07.1985
Rəşad Abdullayev (Neftçi), yarımmüdafiəçi, 01.10.1981
Şəhriyar Rəhimov (Karvan), müdafiəçi, 06.04.1989
Vurğun Hüseynov (Qəbələ), müdafiəçi, 05.04.1988
