Kovalyov uğursuz döndü, Ponomaryov 8-ci yerə qalxdı

Bu gün Türkiyə Bank Asya 1-ci liqasında 30-cu turun oyunları keçirilib. Azerisport.az xəbər verir ki, bu liqada mübarizə aparan hər iki həmyerlimiz bu gün növbəti oyunlarına çıxıblar.

Anatoli Ponomaryov Orduspora 55 dəqiqə yardımçı olub və ikinci hissədə əvəzlənib. Buna qədər onun komandası Kocaelispor qapısından iki top keçirmişdi. Matç elə bu hesabla da başa çatıb – 2:0.

İki turluq fasilədən sonra Kartalspor qapısına dönən Vitali Kovalyovun dönüşü isə uğursuz alınıb. Səfərdə Hacəttəpə ilə qarşılaşan istanbullular rəqibinə 1:3 hesabı ilə yeniliblər. Vitali 90 dəqiqə qapını qoruyub.

Bu nəticələrdən sonra bir neçə tur əvvəl təhlükəli zonada qərarlaşan Orduspor xalını 39-ə yüksəldib və 9-cu pilləyə qalxıb. Kartalspor isə 38 xalla 11-cidir.