Rusiya. 5 həmyerlimiz 4 xal yığdı
Rusiya Premyer Liqası yavaş-yavaş sürət yığır. Sanki dünən başlayan çempionatda artıq 5-ci turun oyunları keçirilib.
Azerisport.az xəbər verir ki, Mahir Şükürovun (Anji) iki məhsuldar ötürməsi və zədəsi ilə əlamətdar olan bu turda iki azərbaycanlı futbolçu – Aleksandr Əliyev (Lokomotiv) və Emin Mahmudov (Saturn) meydançaya çıxmayıblar. Onlardan birincisi zədəli olub, ikinci isə ehtiyat oyunçular skamyasında yer alıb. Nəticədə həm Lokomotiv, həm də Saturn məğlub olub. Digər həmyerlimiz, Terekdə məşqçi kimi çalışan Şahin Diniyev də komandasının 1:2 hesablı məğlubiyyətinə şahidlik edib. Nəhayət, yığmaya cəlb edilməsi vacib olan Aleksandr Səmədov Dinamo – Tom görüşündə 90 dəqiqə meydançada olub. Amma onun komandası rəqibin müqavimətini qıra bilməyib – 0:0.
Premyer Liqa, 5-ci tur
Rubin – Spartak-Nalçik görüşü bu gün keçiriləcək.
Turnir vəziyyəti: Spartak-Nalçik, ÇSKA, Zenit – hərəyə 10 xal (hərəyə 4 oyun), Rubin – 8 (4), Spartak, Tom, Terek – 8, Rostov, Amkar, Anji – 7, Lokomotiv – 6, Dinamo – 5, Krılya Sovetov, Saturn – 3, Alaniya – 2, Sibir – 1
