Berti Foqts: Cavadovun Tventedə oynamaması qorxulu deyil

Azərbaycan yığmasının baş məşqçisi Berti Foqts komandasını 3 günlük toplanışa yığıb. Azerisport.az-a müsahibəsindən almaniyalı mütəxəssis maraqlı açıqlamaları ilə yadda qalıb.

“Qarşıdakı toplanışda əsasən fiziki hazırlıq üzərində işləyəcəyik. Əlbəttə, sonradan taktiki məşğələlər də olacaq. Amma əsas diqqəti “fizika”ya yönəldəcəyik. Çünki İordaniya və Lüksemburqa qarşı oyunlarda bu keyfiyyət məni tam razı salmadı. Qarşıda bizi üç çətin yoldaşlıq görüşü gözləyir. İki-üç gündən bir meydançaya çıxacağıq. Bu oyunlara hazır olmalıyıq”

“Xarici klublarda oynayan futbolçularımızın çıxışını diqqətlə izləyirəm. Həm Mahir Şükürov, həm də Vaqif Cavadov öz klublarında yaxşı məşq edirlər. Cavadovun Tventedə oynamaması qorxulu deyil. Heç Azərbaycan çempionatında çıxış edən futbolçular belə bəzən öz klublarında heyətə düşmürlər. Məsələn, Saşa Yunisoğlu. Buna görə də onu bu toplanışa cəlb etməmişəm. Mənası yoxdur.

Həm müdafiə, həm orta xətt, həm də hücumda sağlam rəqabət hökm sürür. Bu məni sevindirir. İkiqat sevinclidir ki, gənc futbolçular rəqabətə girirlər”.