Legioner limitinə hazırlaşanlar

Premyer Liqanın3-cü dövrəsi də başaçatdı. İlk baxışdan bu ifadə qəribə görünsə də, burada həqiqət çalarları var. Komandalar Final mərhələsinin ilk dövrəsini geridə qoydular.

Azerisport.az xəbər verir ki, “bahar çempionu” adına İnter layiq görüldü. 17-ci turdan sonra verilən fasiləyə də “bankirlər” lider kimi yollanmışdılar. Deməli, İnterin aktivind bu gün iki çempionluq var: qış və bahar. Qaldı “yay çempionu” olmaq (hərçənd, çempionat elə yazda bitir) ki, bu da ən çətin vəzifə kimi görünür; Kaxaber Çxadadzenin komandası artıq əvvəlki kimi aşkar favorit deyil.

Çempiondan fərqli olaraq, “Unibank” Premyer Liqası artıq uğursuzlardan birini müəyyənləşdirib. Hələ ki, de-fakto. De-yure olması üçün elə də çox şey lazım deyil: qalan beş turda Muğan 6, Turan 4, OŞ 2, Simurq isə 1 xal yığmalıdır. Bu halda, Karvan I diviziona yollanacaq. Razılaşın ki, Yevlax klubunun perspektivləri çox, lap çox dumanlıdır. Eyni sözləri Standard barədə demək olmaz, amma bu komanda yüksək liqada yerini qorumaq üçün Muğanla şəxsi oyunda mütləq qələbə qazanmalı və qalan oyunlarda heç olmasa salyanlılar qədər xal toplamalıdır. Onda Karvana Muğan yoldaş olacaq. Etiraf edək ki, bu da istisna deyil.

Nəhayət, başa çatan turdab daha bir maraqlı məqam: 6 görüşdə vurulan 14 topdan tən yarısı 7-si yerli oyunçuların aktivindədir. Premyer Liqada o qədər də tez-tez rast gəlinməyən bu məqamın tendensiya halını alması heç də pis olmazdı. Hər halda, qarşıdakı mövsümdə yerli futbolçuların canfəşanlığı çox böyük rol oynayacaq. Çünki yeni mövsümdən etibarən çempionatda əcnəbilərə limit qoyulacaq: yeni qaydalara əsas eyni vaxtda meydançada ən azı 3 Azərbaycan pasportuna malik futbolçu olmalıdır.

Yeri gəlmişkən, “yerli” və “əcnəbi” qolların sayında üstünlük, hər halda, birincilərin tərəfindədir. Axı Bakı – XL görüşündə qələbə topuna imza atmış Fabio Luis Ramim də “azərbaycanlı”dır.

İlk “altılıq”

İkinci “altılıq”