Şükürovun durumu qeyri-müəyyəndir

Rusiya Premyer Liqasının 5-ci turunda Sibirə qarşı görüşdə zədələnərək 73-cü dəqiqədə əvəzlənən Mahir Şükürovun növbəti turda meydana çıxıb-çıxmayacağı bəlli deyil. Azerisport.az xəbər verir ki, futbolçu özü müxbirimizlə söhbətində durumunun qeyri-müəyyən olduğunu söyləyib: “İndi bir az yaxşıyam. Ağrı yoxdur. Növbəti turda oynayıb-oynamayacağıma həkimlər qərar verəcək. Lakin artıq həkimlərə tapşırıq verilib ki, məni tez sıraya qaytarsınlar. Sadəcə, rəqib bir müddətdir ağrılar hiss elədiyim topuq nahiyəsinə zərbə endirdi. Qəza baş verməyib. Mahaçqalaya qayıdandan sonra çox şey bilinəcək”.