Yığmanın baş məşqçisi taktiki hazırlığı möhkəmləndirir

Aprelin 18-dək Bakı şəhərində təlim-məşq toplanışı keçəcək Azərbaycan U-16 yığmasının baş məşqçisi  Təbriz Həsənov AFFA-nın rəsmi saytına müsahibəsində təlim-məşq toplanışı və keçiriləcək yoldaşlıq oyunları ilə bağlı fikirlərini bildirib.

 “Biz əsasən texniki-taktiki hazırlıq üzərində işləyəcəyik. Ayın 13-də Neftçinin 17 yaşlılardan ibarət komandası ilə yoldaşlıq oyunu keçirəcəyik. Çünki Gürcüstanla oyundan əvvəl bizə bəzi taktiki gedişləri hazırlamaq lazımdır. Heyəti müəyyənləşdirmək üçün Neftçi ilə yoldaşlıq oyunu keçirəcəyik. Ondan sonra proqram əsasında texniki və taktiki hazırlıq üzərində çalışacağıq. Çalışacağıq ki, bunları təkmilləşdirək, oyuna tam hazır vəziyyətdə çıxaq” – azerisport.az xəbər verir ki, Həsənov belə deyib.