Bavariyanın sabiq baş məşqçisi: Oyunçularınız texniki cəhətdən hazırlıqlıdır

Qadınlardan ibarət Azərbaycan milli komandasının baş məşqçi vəzifəsinə potensial namizəd olan Silviya  Rayt  yığmanın məşqini izləyib və məşqdən sonra qadın futbolundakı mövcud vəziyyətlə bağlı fikirlərini bildirib.

“Azərbaycanda qadın futbolunun inkişafı istiqamətində mühüm işlər görülür. AFFA rəhbərliyinin qadın futboluna göstərdiyi diqqət yaxın gələcəkdə bu sahənin inkişafına öz təsirini göstərəcək. Milli komanda üçün hər cür şəraitin yaradıldığını qeyd etməliyəm. İlkin müşahidələrimə əsasən deyə bilərəm ki, komanda texnikalı futbolçulardan təşkil olunub. Qızların texniki cəhətdən daha hazır olduqlarını gördüm”– azerisport.az xəbər  verir ki, AFFA-nın rəsmi saytına açıqlamasında Bavariyanın keçmiş çalışdırıcısı belə deyib.