Azərbaycan İngiltərə və İspaniyanı qabaqlayır
Azerisport.az-da sorğu başa çatıb.
Beş gün ərzində “Hansı ölkənin futbol çempionatını daha yaxından izləyirsiniz” sualını cavablandıran respondentlər arasında mübarizə sona qədər gedib. Nəhayət, sorğunun son iki günündə “Unibank” Premyer Liqasının sadiq azarkeşləri qələbə çalıblar. Onların 30%-ə bərabər olub. Azərbaycan çempinatı bu mübarizədə İngiltərə Premyer Liqasını (28%) və İspaniya La Liqasını (18% qabaqlayıb). Son illər populyarlığını itirən İtaliya A seriyasının geriləməsi saytımızın sorğusunda da özünü göstərib – 7%. Eyni nəticəni bizə yaxın olan Tükiyə Superliqası qazanıb. Mahir Şükürovla yanaşı bir neçə azərbaycanlının çıxış etdiyi Rusiya Premyer Liqasına səsverənlərin 6, Vaqif Cavadovun hələ də debüt edə bilmədiyi Hollandiya çempionatına isə cəmi 2%-i diqqətlə baxır. Bundesliqa bir o qədər (2%), “digər çempionat” variantı isə 1% səs toplayıb. Nə qədər təəccüblü və gülməli olsa da, Fransa çempionatına səs verən ümumiyyətlə, tapılmayıb.
