Sofroni: Qələbəyə əmin idik

Bakının hücumçusu, Qarabağla görüşə “zolaqlılar”ın ilk qolunu vuran Vyaçeslav Sofroni klubun rəsmi saytına açıqlmasında bu oyundan danışıb.

"Oyunun ilk dəqiqələrində hesabı açdıqdan sonra rahat oynamağa başladıq. Çox sevinirəm ki, rəqib qapısına yol tapan məhz mən oldum. Ancaq bunun o qədər də əhəmiyyəti yoxdur, belə ki, əsası komandamızın qələbə qazanması idi.

Oyun əvvəli verdiyim müsahibədə qalib gələcəyimizə əmin olduğumu bildirmişdim, çünki bizim komanda güclü oyunçulardan təşkil olunub, hazırlığımız da ən yüksək səviyyədədir.

Çempionluq uğurunda mübarizə sonadək davam edəcək. Bakı çempion titulunu qorumaq naminə oynayır, bu hər oyunda belə olacaq" – azerisport.az xəbər verir ki, moldovalı hücumçu belə deyib.