İngiltərə. İki derbi vəziyyəti qarışdırdı

İngiltərə Premyer Liqası yavaş-yavaş sona yaxınlaşır. Azerisport.az xəbər verir ki, bu gün keçirilən iki derbidə alınan nəticələrdən sonra çempionluq uğrunda mübarizə bir qədər qızışıb.

Bu tura qədər Mançester Yunayteddən 4 xal öndə olan Çelsi London derbisində Tottenhemə məğlub olmaqla, bu fərqi itirib. İnamla ÇL-ə doğru irəlilərən Harri Rednappın komandası “Uayt Hart Leyn”də 90 dəqiqə boyunca Çelsiyə heç bir şans verməyib; 15-ci dəqiqədə Defo paneltidən, 44-cü dəqiqədə isə Beyl oyundan fərqlənib. Lempardın 90-cı dəqiqədə vurduğu qol isə Karlo Ançelotti və onun komandasına heç nə verməyib.

Mançester derbisindən isə “Yunayted” qalib çıxıb. Uzun müddət tablodakı sıfırlar dəyişməsə də, son saniyələrdə səhnəyə Pol Skoulz çıxıb və vacib qollar MY-ni Çelsiyə bir qədər yaxınlaşdırıb. İndi bu komandaları cəmi 1 xal ayırır. Qarşıda isə hələ 3 tur var.

Arsenalda çempionluq mübarizəsinə rəng qata bilər. Bunun üçün “topçular” bu gün mütləq səfərdə Uiqana qalib gəlməlidirlər.

Premyer Liqa, 35-ci tur

Bu gün qarşılaşırlar: Uiqan – Arsenal, Portsmut – Aston Villa. Liverpul – Vest Hem görüşü aprelin 19-da keçiriləcək.

Turnir vəziyyəti: Çelsi – 77 (35), MY – 76 (35), Arsenal – 71 (34), Tottenhem – 64 (34), M.Siti 62 (34)...