Türkiyəni lərzəyə gətirən hadisə (FOTO, VİDEO)
Dünən baş tutan Fənərbaxça – Beşiktaş görüşündə maraqlı hadisə yaşanıb. Azerisport.az xəbər verir ki, 65-ci dəqiqədə Beşiktaşın yerinə yetirdiyi penaltidən əvvəl meydan sahiblərinin müdafiəçisi Bilikanın 11 metrlik nöqtəni qazması Türkiyənin gündəminə oturub.
Məhz bu hadisəni əsas götürən Qalatasaray azarkeşləri iddia ilə çıxış ediblər. Onlar Fənərbaxçaya…texniki məğlubiyyət verilməsini tələb edir və bunu futbol qanunlarının 17-ci maddəsinin 3-cü bəndi ilə izah ediblər: “Əgər futbolçu oyun zamanı meydançanın, qapı dirəklərinin, künc bayraqlarının və ya topun formasında dəyişiklik edərsə, həmin futbolçuya sarı vərəqə verilir”. Bəli, oyun qaydalarına görə Bilikaya ən azı sarı vərəqə verilməli idi. Bu isə avtomatik olaraq, ikinci sarı - qırmızı vərəqə demək idi. Yenə də oyun qaydalarına görə, hakim həmin qərarı yerində verməyibsə, matçı təşkil edən tərəf (indiki halda, TFF) məsuliyyəti üzərinə götürə bilər.
Qeyd edək ki, Fənərbaxça – Beşiktaş matçının son dəqiqələrində meydan sahiblərindən Vederson, qonaqlardan isə Ernst və İbrahim Toraman qırmızı vərəqə görüblər.
Oyunun ən maraqlı anlarını izləmək üçün linkə tıklayın.
