Lippert nə desin bəs?

U-19 yığmasının baş məşqçii Benhard Lippert AFFA-nın rəsmi saytına açıqlamasında dünən başa çatmış AÇ-nin seçmə mərhələsinin yekunlarından danışıb.

 

«0:4 hesablı məğlubiyyətdən sonra nəsə demək çox çətindir. Lakin etiraf etməliyik ki, məğlubiyyətə layiq idik. Çünki rəqiblə səviyyə baxımından ayaqlaşa bilmədik. Nə qədər acı səslənsə də, deməliyəm ki, hətta  hesab daha böyük ola bilərdi. Bütün komponentlərdə – texnika, qaçışa hazırlıq, düşünülənlərin icra olunması və s. – rəqib bizdən üstün idi. Futbolçularımızda lap aşağı yaş qruplarında öyrənməli olduqları baza bilikləri çatışmır.

Bütün bunların fonunda burada topladığımız təcrübə üçün minnətdar olmalıyıq. Norveç yığması ilə oyunda qeyri-adi görünə biləcək yaxşı nəticə əldə etdik. Elit-raund bizim üçün böyük təcrübə oldu və burada çox şeylər öyrəndik. Futbolçularımız əslində hansı səviyyədə futbol oynadıqlarını əyani şəkildə gördülər» - azerisport.az xəbər verir ki, Lippert belə deyib.