Neftçi azarkeşləri klub prezidenti ilə görüşə bilmir

“Neftçi”nin Dostları” Sülh və Mətbuat klubu bəyanat yayıb. Azerisport.az xəbər verir ki, bəyanatda onların klub prezidenti Sadıq Sadıqovla görüşməklərinə sədd çəkildiyi deyilir.

“Biz Neftçi klubunun prezidenti Sadıq Sadıqovun komandanın bu ağır durumdan çıxması üçün apardığı səmimi  işləri və əziyyətini yüksək qiymətləndiririk. Əminik ki, onun həyata keçirəcəyi islahatlar Neftçinin Azrbaycanın bir nömrəli futbol komandası kimi yenidən öz zirvəsinə dönməsi üçün mühüm amilə çevriləcək. Canımız qədər sevdiyimiz bu komandanı dəstəkləməyi, onu bir sülh komandası kimi xarici mətbuat orqanlarında, QHT-lərdə təbliğ etməyi əsas hədəf götürmüşük. Neftçi rəhbərliyindən umacağımız heç nə yoxdur.  Bizim komanda rəhbərliyi ilə heç bir əlaqəmiz də yoxdur. Hətta dəfələrlə cəhd etsək də, Sadı      q Sadıqovla göruşməyimizə sədd çəkiblər”.

Flaqman demək olar ki, 2007-ci ildən bəri dəhşətli fırtınalardan çıxan bir gəmidir. Komandanın ağır durumdan çıxması üçün təkcə klub prezidenti yox, hər bir Neftçi azarkeşi üzərinə düşən işi görməlidir. Çünki Neftçinin böyük camiəsi var” – deyə bəyanatda bildirilir.