İnter finala yaxınlaşdı (YENİLƏNDİ)
Bu gecə UEFA Çempionlar Liqasında ilk yarımfinal görüşü keçirildi. Azerisport.az xəbər verir ki, Milanın “Cüzeppe Meatsa” stadionunda İnter Barselonanı qəbul etdi və rəqibinə 3:1 hesabı ilə qalib gəldi.
İnter – Barselona 3:1
Matç başlandı.
19-cu dəqiqədə Barselon İnteri meydançanın mərkəzindən başlamağa məcbur edib. Son vaxtlar əla forma yığan Pedro Rodriges fərqlənib - 0:1.
30-cu dəqiqədə İnter hesabı bərabərləşdirdi. Komandanın liderlərindən birinə çevrilmiş Uesli Sneyder yenə fərqlənib. Mourinyo Qvardyolaya yenilmək istəmir.
Fasilə.
İkinci hissə başlandı.
48-ci dəqiqədə İnterin braziliyalı müdafiəçisi Maykon son 5 gündə ikici qoluna imza atır. Özü də kimlərə! Əvvəlcə İtaliya derbisində Yuventusa, indi də Barselonaya!
61-ci dəqiqədə italiyalıla üçüncü dəfə fərqləniblər. Bu dəfə Dieqo Milito gözəl kombinasiyanı baş zərbəsi ilə tamamladı.
Matç başa çatdı. İnter evdə Barselonanı 3:1 hesabı ilə məğlub edərək, ikinci qarşılaşma ərəfəsində vacib üstünlük qazandı.
