Rusiya ilə Azərbaycanın əsas fərqi

Anjinin və Azərbaycan yığmasının futbolçusu Mahir Şükürov azerisport.az-ın müxbiri ilə söhbətdə Rostova məğlubiyyətdən (1:2), oyunboyu istifadə etmədiyi qol imkanlarından, Rusiya Premyer Liqası ilə Azərbaycan çempionatının fərqindən və Mahaçqalada baş verən partlayışlardan danışıb.

 

“Evdə uduzmaq çox məyusedicidir. Biz azarkeşləri qələbə ilə sevindirmək istəyirdik. Deyə bilərəm ki, birinci hissənin zəif keçirdik, fasilədən sonra isə yaxşı oynadıq. Amma çoxsaylı hücumlar təşkil etsək də, cəmi bir dəfə fərqləndik. Sən vurmasan, sənə vurarlar. Rostovla eyni midqarda – 7 xalımız var idi. Məğlub olub onları irəli buraxdıq”.

 

“Bir epizodda qola yaxın idim. Küncə düşmək lazım idi, amma alınmadı. Məncə, top qapının küncünə getsəydi, qol olacaqdı. Əvəzlənməyin nə ilə bağlıdır, bilmirəm. Qərarı məşqçi verir. Mən çıxandan sonra Rostov qol vurdu? Bəli, ötürməni mənim cinahımdan etdilər, lakin futbolda belə şeylər olur”.

 

“Azərbaycanla Rusiyanın əsas fərqi ondadır ki, burada daha çox güc sərf etməli olursan. Fiziki cəhətdən tam yüksək səviyyədə hazır olmalısan. Əks halda, çətindir. Rusiyada atletik futbola üstünlük verirlər”.

 

“Mahaçqaladakı partlayışlar? Heç kim bundan sığortalanmayıb. Amma bu yolu seçmişiksə, axıra qədər getməliyik. Heç kəs bizə şəhərdə gəzməmək tapşırığı verməyb, çünki gəzməyə heç vaxtımız da yoxdur”.