Bu günə yox, sabaha gərəkli qələbə

Arazın baş məşqçisi Joze Alessio da Silva azerisport.az-ın Lissabondakı müxbiri ilə söhbətində Luparense ilə bu axşam keçiriləcək oyundan danışıb.

 

“İntervyu ilə oyundakı kimi çıxış etsək, heç nə bizə İtaliya çempionuna qalib gəlməyə mane ola bilməz. Luparanseyə qarşı daha yaxşı oynayacağıq. Serjionun itkisidir ciddidir, amma bunun öhdəsindən gələ biləcəyik. Onun mövqeyində Tyaqu Silva və ya Vitali Borisovu buraxa bilərəm.

 

Bu mənim Arazda ilk mövsümümdür. Bu müddət ərzində böyük inkişafa nail olmuşuq. Bu gün tutacağımız 3-cü yer bizim üçün əla nəticə olacaq. Amma hətta məqsədimizə nail olmasaq da, bu bizim işimizin üstünə kölgə sala bilməz.

 

İtalyanlara qarşı oyunda hansısa sakitlikdən və ya rahatlıqdan söhbət gedə bilməz. AÇ-nin yarımfinalında Portuqaliyaya acınacaqlı məğlubiyyətdən sonra komandamız psixoloji zərbə altına düşdü. Buna görə 3-cü yer uğrunda oyuna köklənə bilmədik. Bu dəfə tamamilə fərqli olacaq” – deyə da Silva bildirib.

 

Bu müsahibəyə hər hansı sözardı vermək fikrindən uzağıq. Bu sətirlər sözardıdan, proloqdan çox, dəstək sözləridir. Bəli, da Silva özünün dediyi bu inkişafı həmyerlilərinin, milliləşdirilmiş braziliyalıların hesabına çatıb. Amma bunun Azərbaycan azarkeşinə bir marağı varmı? Azərbaycan gənci futbolu qoyub futzala maraq göstərərmi? Bu idman növünə gənclərin cəlb edilməsi ehtimalı bu vaxtadək nə qədər idi? Çox az. Yalnız yığmanın AÇ-dəki uğurlu çıxışı, Arazın UEFA kubokunda mükafatçılar sırasına düşməsi futzal bir müstəqil idman növü kimi Azərbaycanda populyarlaşmasına yol aça bilər. Və nə yolla olur-olsun, qoy Alessio da Silva və onun komandası nəticə qazansın. Bizə məhz nəticə lazımdır.

 

Bu sətirlərin müəllifi nədənsə Arazın bu axşam Luparenseni məğlubiyyətə uğradacağına şübhə etmir...