Böyük oyun dünyanın məşhur derbilərini geridə qoydu

Azerisport.az-da daha bir sorğu başa çatıb.

 

Azərbaycan azarkeşləri bu həftəsonunu səbrsizliklə gözləyir. Bunu saytımızda başa çatan sorğunun nəticələrindən aşkar görmək mümkündür. Təsadüfi deyil ki, bir həftə ərzində “Sizcə, dünyanın ən çox maraq doğuran qarşılaşması hansıdır” sualına cavab verən istifadəçilərin əksəriyyəti – 38%-i məhz Neftçi – XL duelini seçib. “Böyük oyun”dan sonra “El Klasiko” - Barselona – Real qarşılaşması gəlir  (32%). Xəyali bürünc medala isə, gözlənildiyi kimi, İstanbul superderbisi layiq görülüb: Qalatasaray - Fənərbaxça – 12%. Digər matçlar xeyli geridə qalıb.

 

Məsələn, tarixi ənənələrinə və gərginliyinə görə, öz ölkələrində yuxarıda adları çəkilən matçlardan geri qalmayan İnter – Milan (6%), MY – Liverpul (2%), Panatinaikos – Olimpiakos (2%), River Pleyt – Boka Xuniors (2%), Qlazqo Reyncers – Seltik (1%) görüşlərinə çox az adam səs verib. Bavariyanın ÇL-in finalına çıxması belə Azərbaycan azarkeşlərinin alman futboluna diqqət ayırmasına təsir göstərməyib. Bavariya – Şalke 04 matçının bir səs belə qazanmaması almanlar üçün gülməli olduğu qədər də faciəlidir.

 

Daha 6% respondent “mənim öz variantım var” deyib. Görəsən, bunlar  hansı oyunlardır?