Real Kasilyası Qladiatora dəyişdi (FOTO)

Hollivud aktyoru, “Oskar” mükafatı laureatı, məşhur “Qladiator” filminin baş qəhrəmanı Rassel Krou Madrin Realının bazasına baş çəkib. Azerisport.az xəbər verir ki, Krou səfər onun yeni filmi “Robin Qud”un təqdimatı çərçivəsində baş tutub. "Kral Klubu"nun futbolçuları ilə şəkil çəkdirən Krouya Realın 1 nömrəli forması (qeyd edək ki, bu nömrə qolkiper İker Kasilyasa məxsusdur) da hədiyyə olunub.

“İspaniya çempionatı ilə çoxdan maraqlanıram. Tez-tez Barselona və Realın hansı mövqedə qərarlaşmalarını öyrənmək üçün turnir cədvəlinə baxıram. Deməliyəm ki, Real böyük komandadır” – deyə Madrid klubunun rəsmi saytına məşhur aktyor bildirib.