Vaqif Cavadov ÇL-in qrup mərhələsində oynayan ilk azərbaycanlı olacaq
Bu mövsüm Tventenin heyətində bir dəfə də olsun meydançaya çıxmayan Vaqif Cavadov bu üzdən Hollandiya çempionatının qızı medallarından məhrum olsa da, futbolçumuz tarixə keçə bilər. Azerisport.az xəbər verir ki, mövsümü 1-ci yerdə bitirən “tukkers” ÇL-in qrup mərhələsinə vəsiqə qazanıblar. Vaqif növbəti mövsümdə də Tventenin heyətində qalsa, ÇL-in qrup mərhələsində çıxış edən və Azərbaycan yığmasının formasını geyməyə ixtiyarı olan ilk azərbaycanlı futbolçu olacaq.
Buna qədər müxtəlif vaxtlarda Spartak (Rusiya) və Şturmun (Avstriya) formasında Ramiz Məmmədov, Fənərbaxça ilə Sərvət Çətin, Kiyev Dinamosu ilə isə Aleksandr Əliyev bu yarışda bu mübarizə aparsalar da, onların heç biri Azərbaycan pasportuna malik deyil.
Bunlardan əlavə, daha bir futbolçu ÇL-in qrup mərhələ oyunlarında forma geyib. Bu, 2002-03-cü illərdə Moskva Lokomotivində çıxış edən Narvik Sırxayevdir. Lakin artıq o vaxt vaxtilə Azərbaycan yığmasının şərəfini qorumuş çeçenəsilli futbolçu Azərbaycandan imtina etmişdi.
