Qəbələ Toni Adamsla müqavilə bağlaya bilər

Arsenalın və İngiltərə yığmasının keçmiş oyunçusu Toni Adams Qəbələ ilə müqavilə bağlaya bilər. Azerisport.az xəbər verir ki, bu barədə “Müsavat” qəzeti məlumat yayıb. Məşqçi karyerasına yenicə başlayan Adams Qəbələdə baş məşqçi Ramiz Məmmədovu əvəz edəcək. Mütəxəssis növbəti mövsümdən komandanın sükanı arxasına keçəcək.

Məsələni dəqiqləşdirmək üçün müraciət etdiyimiz klubda bu xəbəri nə təkzib, nə də təsdiq etdilər. Yaxın günlərdə bu fakta aydınlıq gələcək.

"Müsavat" qəzeti Adamsın baş məşqçi təyin olunmasından sonra bir neçə futbolçunun Qəbələdən uzaqlaşdırılacağını yazıb. Bunların arasında Pavels Doroşevs, Lyubo Baranin, Kristia Torres, Revaz Getsadze və Kənan Kərimov da var.

Qeyd edək ki, Adams bu mövsüm bir müddət İngiltərə Premyer Liqasında çıxış edən Portsmutu çalışdırıb.