XL-dən Qarabağla görüşdə penalti iddiası

Xəzər Lənkəranın baş məşqçisi Ağasəlim Mircavadov Qarabağla görüşdən (1:2) sonra öz futbolçularından və hakimlikdən narazı qaldığını dilə gətirib.

“Əvvəlcə onu deyim ki, belə oynamaq olmaz. Birinci hissəni çox zəif keçirdik. Buna görə də iki top buraxdıq. Lənkəranda Bakı ilə qarşılaşma ərəfəsində oyunçularla ciddi söhbət edəcəm.

Onu da əlavə edim ki, Emeka Oparanı bir epizodda cərimə meydançasında yıxdılar. Amma hakim nədənsə penalti vermədi” – azerisport.az xəbər verir ki, Mircavadov belə deyib.