Premyer Liqaya dörd namizəd: iki bölgə, iki Bakı klubu
Bu həftə Azərbaycan çempionatının birinci divizionunda 21-ci turun oyunları keçirilir. Gələn həftə turnirdə mübarizəyə yekun vurulacaq və Premyer Liqaya vəsiqə əldə edən iki komandanın adı məlum olacaq.
Azerisport.az xəbər verir ki, bu gün vəsiqə şansını rəsmən 4 komanda MOİK, Gəncə, Bakılı və MKT-Araz saxlayır. Hazırda 32 xalla 6-cı olan MKT-Arazın ehtiyatda iki oyunu var. Rəvan bütün şanslarını itirib, mayın 8-də qələbə qazanan Bakılı isə Gəncəyə çatıb.
Gəncə və MOİK qələbə qazanarsa, premyer liqaya vəsiqə məsələsini 90% həll edəcəklər.
21-ci tur. Dünən keçirilmiş oyunlar: Bakılı – Ədliyyə (Bakı) 4:1, Anşad Petrol (Neftçala) – Şahdağ (Qusar) 2:3, Energetik (Mingəçevir) – ABN (Bərdə) 1:2.
Bu gün qarşılaşırlar: Neftçi İSM (Bakı) – Göyəzən (Qazax), Gəncə - Rəvan (Bakı), MOİK (Bakı) – MKT-Araz (İmişli).
Təxirə salınmış oyun (12 may): Anşad Petrol – MKT-Araz.
22-ci turun proqramı (15-16 may): Ədliyyə – Neftçi İSM, Şahdağ –Gəncə, Göyəzən – Energetik, ABN –Anşad Petrol, Rəvan – MOİK, MKT-Araz –Bakılı.
Turnir vəziyyəti: MOİK – 44 xal (20 oyun), Gəncə - 43 (20), Bakılı – 43 (21), Neftçi İSM – 35 (20), Rəvan – 34 (20), ABN – 33 (21), MKT-Araz – 32 (19), Şahdağ – 31 (21), Anşad Petrol – 17 (20), Ədliyyə - 13 (21), Energetik – 12 (21), Göyəzən - 7 (20).
