Spartakın oyununda hakim sərxoş halda meydançaya çıxıb? (VİDEO)

Bu gün Rusiya Premyer Liqasının oyununda inanılmaz hadisə yaşanıb. Azerisport.az xəbər verir ki, 10-cu tur çərçivəsində Alaniya ilə Moskva Spartakının görüşündə Nazim Süleymanovun sabiq komandası ölkənin ən titullu klubunu 5:2 hesabı ilə darmadağın edib. Amma inanılmaz olan bu deyil.

Hələ birinci hissənin 34-cü dəqiqəsində, hesab 2:2 olarkən, yol cinahdan cərimə meydançasına daxil olan İvan Saenko top qapıdan keçirərək, Spartakı hesabdan önə keçirib. Amma hakimlər topun qapı dirəyindən döndüyünü bildirirək, qolu hesaba almayıblar. Əslində isə top qapıya daxil olub və (diqqət!) qapının içindəki, toru saxlayan əlavə dirəyə dəyərək, meydançaya qayıdıb. Bu da həmin qol.

Görünür, oyunun baş hakimi Vladimir Pettayı görmə qabiliyyəti zəifdir. Ya da ki, oyundan əvvəl bir-iki qədəh araq içib. Yoxsa bu cür epizodu görməməyə başqa ad vermək olmur.

Oyunun videogörüntüləri burada.