Mahir Şükürovun yığmaya gəlişi ilə bağlı problem yarana bilər

Azərbaycan yığmasının və Anjinin futbolçusu Mahir Şükürov azerisport.az-ın müxbiri iə söhbətdə Rusiya Premyer Liqasında keçirdiyi son oyundan və yığma komandanın toplanışından danışıb.

 

“Dinamo ilə görüşdə məndə hər şey alındı. Bir epizodda fərqlənə də bilərdim, amma komanda yoldaşım daha əlverişli vəziyyətdə olduğundan ötürmə verdim. O isə topu qapıdan keçirə bilmədi. Təəssüflənmirəm, çünki mən özüm üçün yox, komanda üçün oynayıram. Matçdan sonra baş məşqçi və rəhbərlik qazanılan bir xal münasibəti ilə təbrik etdi. Azarkeşlər isə mənə minnətdarlıqlarını bildirdilər.

 

Hazırda yaxşı formadayam. Ümid edirəm ki, yığmanın toplanışında da özümü ən yaxşı tərəfdən göstərəcəyəm. Kiçik problem ondan ibarətdir ki, mayın 16-a qədər Mahaçqalada qalmalıyıq. Ola bilər yığmaya bir qədər gec qoşulum” – deyə Şükürov bildirib.