Türkiyə yığmasının heyəti məlumdur
ABŞ-a təlim-məşq toplanışına yollanacaq Türkiyə yığmasının geniş heyəti məlum olub. Azerisport.az “Ajansspor” agentliyinə istinadla xəbər verir ki, turneyə 30 futbolçu aparılacaq. Onların 28-i artıq məlumdur. Digər iki yerə isə qapıçılar – Hakan Arıkan (Beşiktaş), Aykut Ərçətin (Qalatasaray), meydan oyunçuları – Sərkan Balçı, Umut Bulut, Əngin Baytar (hamısı Trabzonspor), Mehmet Pektemek (Gənclərbirliyi) və Necati Atəş (Antalyaspor).
Heyət belədir: Səbri Sarıoğlu, Sərvət Çətin, Gökhan Zan, Hakan Balta, Canər Ərkin, Arda Turan (hamısı Qalatasaray), Semih Şəntürk, ƏmrəBelözoğlu, Mehmet Topuz, Volkan Dəmirəl, Səlçuk Şahin (hamısı Fənərbaxça), İbrahim Toraman, Necip Uysal, Nihat Kahveci (hamısı Beşiktaş), Səlçuk İnan, Ceyhun Gülsəlam, Onur Kıvrak, (hamısı Trabzonspor), Ömər Ərdoğan, Ozan İpək, Sərcan Yıldırım, Volkan (hamısı Bursaspor), Tuncay Şanlı (Stok Siti, İngiltərə), Həmit Altıntop (Bavariya, Almaniya), Xəlil Altıntop (Şalke, Almaniya), Nuri Şahin (Borrusiya Dortmund, Almaniya), Mevlüt Ərdinç (PFJ, Fransa), Kazım Kazım (Tuluza, Fransa), Mehmet Aurelio (Betis, İspaniya).
Xatırladaq ki, Türkiyə yığması Azərbayan millisinin AÇ-2012-nin seçmə mərhələsindəki rəqiblərindən biridir.
