İnter - çempion!!! (YENİLƏNDİ)

Bu gün “Unibank” Premyer Liqasında ilk “altılıq”da mübarizəyə yekun vuruldu. Azerisport.az xəbər verir ki, Qəbələni məğlu edən İnter Azərbaycan çempionu oldu.

 

 

 

 

 

 

XL – BAKI 0:1

Matç başlandı.

Və... Heç kəs bunu gözləmirdi! Lənkəran şokda! Aleksandr Şoliç 28-ci dəqiqədə möhtəşəm qola imza ataraq... İnteri çempionluğa bir qədər də yaxınlaşdırır.

Fasilə.

İkinci hissə başlandı.

Lənkəranda mənzərə dəyişməyib. XL çox hücum edir, amma qol vəziyyəti yoxdur. Komandanın iki top vuracağı inandırıcı görünmür. Beləcə, XL öz azarkeşləri qarşısında çempionluq ümidləri ilə vidalaşır.

Matç başa çatdı.

 

NEFTÇİ – QARABAĞ 0:0

Matç başlandı.

Neftçinin gənc və yerli futbolçulardan qurulmuş heyəti daha təcrübəli Qarabağa yaxşı müqavimət göstərir. Hələ ki, hesab açılmayıb.

Fasilə.

İkinci hissə başlandı.

Qarabağ hələ k, fərqlənə bilməyib. İndiki nəticələr İnteri çempion edir. Amma Qarabağ cəmi 1dəfə fərqlənərsə, məsələni "Qızıl oyun"a apara bilər.

Matç başa çatdı.

 

 İNTER – QƏBƏLƏ 4:1

Matç başlandı.

Bu dəqiqə üçün İnter çempiondur. Matçın 16-cı dəqiqəsindı Qəbələnin qapısına təyin olunan penaltini Pater Zlatinov dəqiqə yerinə yetirib. 1:0.

41-ci dəqiqədə Robertas Poşkus İnterin ikinci qolunu vurub. Bu oyunda artıq intriqa ölüb. Çətin ki, "bankirlər" bu üstünlüyü əldən buraxsın. İndi komanda digər matçların elə indiki kimi çaşa çatmasını arzulayır.

Fasilə. 

İkinci hissə başlandı.

Dərhal İnter 3-cü qolu vurdu. Robertas Poşkus dublunu rəsmiləşdirdi.

Poşkus het-trikə imza atır. Tarix təkrarlanacaqmı? Yadınızdadırsa, 2008-ci ildə də İnter Qəbələni son turda 4:0 hesabı ilə məğlub edib çempion olmuşdu...

Son dəqiqələrdə Qəbələ fərqləndi.

Matç başa çatdı. Və İnter 2009/10-cu illər mövsümündə Azərbaycan çempionluğunu bayram edir!!!

 

Turnir vəziyyəti

 

İlk “altılıq”: İnter - 29, Bakı  28, XL, Qarabağ – 27, Neftçi – 23, Qəbələ - 20.

 

İkinci “altılıq”: OŞ – 33, Simurq – 31, Muğan – 27, Turan – 26, Standard – 22, Karvan – 13.