Qarabağ iki erməni klubu ilə qarşılaşa bilər

Bu mövsüm də UEFA Avropa Liqasında Azərbaycanı təmsil edəcək Qarabağ "səpələnmiş" komandalar arasında yer alıb. Azerisport.az xəbər verir ki, Ağdam təmsilçisi əmsalına görə birinci təsnifat mərhələsində nisbətə zəif kollektivlərlə üz-üzə gəlmək imkanı qazanacaq. Bunların arasında Flora, Narva Trans (Estoniya), EB Streymur, Runavik (Farer adaları), Qlentoran, Portadaun (Şimali İrlandiya), Banants, Uliss (Ermənistan), Falkir (İslandiya), Metallurq Skopye (Makedoniya), Şaxtyor Karaqanda (Qazaxıstan), Laçi (Albaniya), Llanelli, Port Talbot Taun (Uels), Valetta (Malta), Santa Koloma, Lusitanos (Andorra), bundan əlavə, bir San-Marino, bir Çernoqroiya və iki Lüksemburq təmsilçisi var.

Azərbaycanı təmsil edəcək digər kollektivlərin hansı səbətdə yer alacağı isə hələ məlum deyil. Bakı kuboku qazanarsa, ikinci təsnifat mərhələsindən mübarizəyə başlayacaq və birinci mərhələdən start götürəcək XL kimi, böyük ehtimalla, “səpələnməmiş” komanda olacaq.