Toni Adamsın etirafları və heç kimə görünməyən gizli həyatı

Yaxınlarda Qəbələnin baş məşqçisi postuna təyin olunan Toni Adams bir müddət əvvəl spirtli içkilərdən asılılıqdan əziyyət çəkib. Azerisport.az xəbər verir ki, bu pis vərdişdən əziyyət çəkən Adams 2000-ci ildə idmançılar üçün içki, narkotik maddələr və qumardan asılılığı olan idmançılar üçün bərpa mərkəzi də yaradıb. Aşağıdakı sətirlər onun “Oyundan kənar: mənim spirtli həyatım” adlı kitabındandır.

 

 

 

Bu gün Toni Adams – İngiltərə yığmasının və Arsenalın keçmiş mərkəz müdafiəçisi, yavaş-yavaş spirtli içkidən asılılıqdan qurtulur və ailəsi ilə birgə xoşbəxt yaşayır. Amma zaman göstərir ki, hər hansı bir çərçivədə şöhrət və böyük pullar çox şey həll edir, futbol aləmində isə Tanrının köməyi olmadan heç nəyə nail ola bilməzsən. Xüsusilə də spirtli içkidən asılılığın yaranıbsa. Corc Bestə Tanrı kömək etmədi. Toni Adamsa isə etdi.

 

Toni Adams gələcək üçün bir nihilizm nümunəsidir. Bəli, Adams içirdi. İçirdi və bunu anlamırdı. Bəlkə də artıq 11 il davam edən panika pristuplarını yox etmək üçün, onu tərk edib narkotikdən asılılıqdan azad olmağa yollanan həyat yoldaşı Ceyni unutmaq üçün içirdi. Bəlkə də bundan sonra həyatın onun üçün elə bir məna kəsb etmədiyini unutmaq üçün içirdi. Bəlkə də uğradığı dəhşətli qəzadan necə möcüzə sayəsindəsağ çıxmasını və bundan sonra baş səkkiz həftə keçirdiyi türməni unutmaq üçün içirdi. Bəlkə də başqalarının onun da artıq heç bir hiss oyatmaması üçün içirdi. Bəlkə də “bir şüşə ilə heç nə olmaz” deyə düşünüb içirdi. Bəlkə də atasının “Toni, oynayanda artıq gülümsəmirsən” sözlərini eşidərkən susduğu anları düşünüb içirdi. Bəlkə də 10 şüşəni “aşırtmaq” körpə uşağa bir konfet verəcək qədər asan olduğu üçün içirdi. Bəlkə də işsiz vaxtlarında gec yatdığı üçün bara enmək, içmək, evə dönmək və yenidən bara getməkdən başqa məşğuliyyət olmadığı üçün içirdi. Bəlkə də övladları qarşısında nə qədər günahkar olduğunu unutmaq və fikirləri yuyub aparmaq üçün içirdi....

 

“Fiziki gücüm və şüurun mənə eyni zamanda həm güclü futbolçu, həm də birinci kateqoriyalı əyyaş olmağa imkan vermirdi. Mən kimdənsə kömək diləməliydim. Qərarı verəndə isə inanılmaz hadisə gerçəkləşdi” – deyə Toni bildirir.

 

O qərar verdi və Anonim Əyyaşlar adlı bir təşkilata müraciət etdi.

 

“Mənim adım Toni Adamsdır və mən əyyaşam”.

 

Onu dəhşətli bəlanın əllərində qopardılar. Və o ulduzları yenidən görmək üçün geri döndü...