Araz Abdullayevin Everton düşüncələri

Neftçi ilə Everton arasında danışıqlar davam edir. Azerisport.az xəbər verir ki, İngiltərə klubu Neftçinin və Azərbaycan yığmasının yarımmüdafiəçisinin transferində israrlıdır.

Paytaxt klubunun prezidenti Sadıq Sadıqov da müxbirimizlə söhbətində bu faktı təsdiqləyib: “Everton nümayəndələrinin gəlişini gözləyirik. Araz Abdullayevi buraxmağa hazırıq”.

Futbolçunun öz isə hazırda yalnız milli komandanın Avstriyada keçiriləcək toplanışı barədə düşündüyünü bildirib: “Danışıqların getdiyindən xəbərim var. Amma vəziyyətin nə yerdə olduğunu bilmirəm. Düzü, indi daha çox milli komanda barədə düşünürəm. Qarşıdakı üç oyunda ona faydalı olmaq istərdim.”