Cüneyt BİÇER: Finalda bizə bir qol kifayət etməyə bilər

Çempionatın gümüş medalları ilə bağlı təəssüratlarınız necədir?

Sevinirəm ki, ikinci ola bildik. Lakin bəzi büdrəmələr olmasaydı, hər şey daha yaxşı bitə bilərdi. Türkiyədəki doğmalarımdan və yaxınlarımdan təbrik zəngləri qəbul etmək xoş idi.

 

Artıq sabah komandanız Azərbaycan Kubokunun finalında «Xəzər Lənkəran»la üz-üzə gələcək. Sizin üçün bu, mövsümün ən vacib oyunudur?

Şübhəsiz. Bu, «Bakı»nın qazana biləcəyi yeganə mükafatdır. Çempionatı çempionluğun bircə addımlığında bitirdik, indi isə qalib gəlməyə çalışacağıq.

 

Lənkərandakı oyunun ertəsi günü məşq keçirdiniz. Futbolçuoarınızı bilərəkdən yükləyirsiniz?

Həmin gün onları o qədər də yükləmədim. Həm də məşqə qədər bir gün dincəlmişdilər. Təəssüf ki, zədəsi üzündən Kürşat Duymuş oynaya bilməyəcək, Vadim Borets isə cəzasına görə meydançaya çıxa bilməyəcək. Amma biz onları əvəz etməyə adam taparıq.

 

Final Lənkərandakı matça bənzəyə bilər?

Bu, tamam başqa oyun olacaq. Burada cavab görüşü yoxdur, hər şeyi 90 dəqiqə ərzində həll etmək gərəkdir. «Xəzər Lənkəran» məğlubiyyətinin əvəzini çıxmağa çalışacaq, çünki məhz biz onların çempionluqdan məhrum etmişik. Bizə isə yalnız ötən həftənin şənbə gününün uğurunu təkrarlamaq qalır.

 

Oyunçuların eyforiyaya qapılacağından ehtiyat etmirsiniz ki?

Hələ ötən bazar günü oyunçularıma demişəm ki, eyforiyaya qapılmasınlar. Bu, yeni rəqibə qarşı yeni oyun olacaq. «Xəzər Lənkəran»a hörmətlə yanaşmaq lazımdır. Yoxsa heç nə alınmayacaq.

 

Kubokun finalında bir qol yetərlidir?

Hər şey ola bilər. Amma fikirləşirəm ki, bir qol kifayət etməyə bilər. Hər iki komanda qalib gəlmək istəyir. Tamamilə mümkündür ki, tamaşaçılar çoxlu qol izləyə bilsinlər. Şəxsən məni minimal hesablı qələbə də qane edərdi.

 

Penalti seriyasına hazırlaşmırsınız?

Hər şeyi penalti seriyasına saxlamaq istəməzdim. Bu lotereyadır. Bir nəfərin bəxti gətirmir, bütün komanda əzab çəkir. Buna görə də, hər şeyi 90 dəqiqə ərzində həll etmək lazımdır. Ya da 120 dəqiqə ərzində. Məncə, «Xəzər Lənkəran» da penalti seriyasını arzulamır.