Kral klubu Rauldan əlini üzüb?

Dünən Madridin «Real» komandasının kapitanı Raul öz agenti Xines Karvaxalın müşayiəti ilə klubun ofisində olub. Madridlilərin rəhbərliyi ilə görüşdən sonra ofisin qonaqlarının hər ikisi şərh verməkdən çəkinib. Sadəcə olaraq, bildiriblər ki, Çempionlar liqasının final oyununa bilet götürməyə gəliblərmiş.

Lakin azerisport.az saytına məlum olduğuna görə, əslində ofisdə söhbət hücumçu ilə müqaviləyə vaxtından əvvəl xitam verilməsindən gedib. Raulun 2010-cu ilin iyun ayının sonuna kimi «Real»la müqaviləsi var. Tərəflər hələlik bir razılığa gələ bilməyiblər. Futbolçu məsələnin həllini dünya çempiontından sonraya saxlayıb.

Xatırladaq ki, əvvəllər verdiyi müsahibələrdə Raul futbolu gələn mövsümdən tez tərk etmək niyyətində olmadığını bildirirdi.