Quus HİDDİNK: Türkiyə millisi yeni yolun başlanğıcındadır

Rusiya yığmasının keçmiş, Türkiyə yığmasının yeni baş məşqçisi Quus Hiddink Türkiyə millisində ən yaxın planları barədə danışıb.

azerisport.az saytına daxil olan məlumata görə, Hiddink deyib: «Mən Türkiyəyə dünya çempionatına vəsiqə qazanmağa mane olan səbəbləri üzə çıxarmalıyam. Vaxtım var ki, oyunları analiz edim və bununla yanaşı, dünya çempionatının gedişini izləyim. Nə olubsa olub. İndi elə etməliyik ki, növbəti çempionatı əldə verməyək. Hazırda Türkiyə millisi ilə Rusiya millisinin vəziyyətləri təxminən eynidir. Onlar yeni yolun başlanğıcındadırlar. İlk olaraq türk yığmasında intizamı gücləndirməliyəm».

Xatırladaq ki, bu gün Türkiyə mili komandası Çexiya millisi ilə yoldaşlıq oyununda qarşılaşacaq. Matç ABŞ-da təşkil olunacaq.