Maradona: Messini heç kimlə müqayisə edə bilmərəm (FOTO)

Argentina millisinin baş məşqçisi Dieqo Maradona “Barselona”nın və yığmasının futbolçusu Messi barədə xeyli tərif sözləri deyib.

azerisport.az saytı xəbər verir ki, Maradona Messinin oyunundan heyranlığını gizlətmir: “Mən ona hər gün daha çox heyran oluram. O, inanılmaz texnikaya malikdir. Təkcə onun topu saxlamaq məharətinə tamaşa etmək kifayətdir. Bu yaxınlarda məşq vaxtı oyunçularıma da dedim ki, Messi topla inanılması çətin olan şeylər edə bilir. Onu heç kimlə müqayisə edə bilmərəm”.

Maradona arzu etdiyini bildirib ki, dünya çempionatında Messi topla daha tez-tez görüşsün və bütün qabiliyyətini nümayiş etdirə bilsin.