Vaqif CAVADOV: Mən Hollandiyaya gəlməmişdim ki, yarım ildən sonra geri qayıdım

Hamını maraqlandırır ki, nəyə görə siz milli komandanın açıq məşqində iştirak etməmisiniz?

İş burasındadır ki, mən ayrıca – fərdi proqram üzrə məşqlər edirəm. Hələ ki, zədə özünü göstərməkdədir.

 

Fərdi məşqlər nə qədər davam edəcək?

Avstriyaya yollanana kimi. Orada artıq komanda ilə birlikdə məşğul olacağam.

 

Belə çıxır ki, Moldovaya qarşı ilk oyunu buraxacaqsınız?

Bunu bilmək olmaz. Hər şeyi məşqçi həll edir. Əgər Berti Foqts məni meydançaya buraxarsa, məmnuniyyətlə oynayardım.

 

Sizcə, Avstriyaya yollanmaq üçün bu qədər futbolçuya ehtiyac var idimi?

Bu da məqşçinin səlahiyyətlərinə daxil olan məsələdir. Mənim işim oynamaqdır.

 

Yığmada özünüzə əsas rəqib kimi hansı futbolçunu göstərə bilərsiniz?

Bizdə hər bir mövqedə rəqabət mövcuddur. Və bu, nə qədər yüksək olsa, bir o qədər yaxşıdır. Kimisə ayrıca qeyd edə bilmərəm.

 

Hollandiyadan gələn xəbərləri izləyirsinizmi?

«Tvente»də baş verənləri izləməyə çalışıram. Bilirəm ki, hazırda orda yeni baş məşqçi axtarışları gedir.

 

Təsadüfən namizədlər barədə eşitməmisiniz?

Hələ ki, ancaq yığmanın oyunları barədə düşünürəm. Klub barədə isə sonra – Avstriya toplanışından sonra fikirləşəcəyəm.

 

Necə də olmasa, elə həmin Frank Raykardla iş perspektivi sizi cləb etmir?

Düzünü desəm, mənimçün kiminlə işləyəcəyim vacib deyil. Maklaren var idi və ona məni «Tvente»yə gətirdiyi üçün minnətdaram. O getdi. Lakin bu, heç nə demək deyil. Mən yeni məşqçiyə də özümü göstərməyə çalışacağam.

 

Maklarenin ardınca «Volfsburq»a getmək istəyi yoxdur ki?

Mənim «Tvente» ilə qüvvədə olan müqaviləm və Çempionlar liqasında oynamaq imkanım var. Buna görə də, hələlik komandadan getmək barədə düşünmürəm.

 

Bəs Azərbaycana qayıtmaq barədə?

Mən getməmişdim ki, belə tez qayıdım.

 

«Xəzər Lənkəran» Azərbaycan millisinin oyunçularının alışı imkanları istiqamətində fəal işlər görür. Təsadüfən cənubluların heyətində oynamaq arzunuz yoxdur ki?

Hətta icarə formasında belə bir variant meydana çıxarsa, yox, istəmirəm. Hələ ki, Azərbaycan çempiontına qayıtmağı planlaşdırmıram. Mənim fikrim yalnız Qərbi Avropadadır.

 

Bazar günü Azərbaycan Kubokunun final oyunu keçiriləcək. Məhz sizin penalti zərbəsindən vurduğunuz top ötən il «Qarabağ»a bu mükafatı qazandırmışdı. Həmin anı xatırlayırsınızsı?

Əlbəttə, xatırlayıram. Mən qapıçıya nisbətən sol küncə vurdum, o isə sağ tərəfə tullandı.

 

Üzümüzə gələn oyunda kimi favorit hesab edirsiniz?

Hər iki komandanın qalib gəlmək üçün şansları eynidir. Bu oyuna baxmaq maraqlı olardı. Əgər o vaxta kimi Avstriyaya yollanmasaq, mütləq stadiona gedib həmin oyunda baş verənləri izləyəcəyəm.