Bakı ikinci dəfə Azərbaycan kubokunu qazandı (YENİLƏNDİ)

Bu gün 18-ci Azərbaycan kuboku sahibini tapdı. Azerisport.az xəbər verir ki, Tofiq Bəhramov adına Respublika stadionunda XL-i məğlub edən Bakı ikinci dəfə Azərbaycn kubokuna sahib çıxdı.
 

BAKI – XƏZƏR LƏNKƏRAN 2:1

Matç başlandı.

Birinci hissədə kifayət qədər sürətli, amma texniki cəhətdən bol səhvli qarşılaşma izlədik. Bir neçə təhlükəli zərbə oldu, bir dəfə Kamran Ağayev komandasını xilas etdi. Amma hesab açılmadı və hər şey əlavə vaxta aparır.

Fasilə.

İkinci hissə başlandı.

Proqnozlar doğruldu və ikinci hissəd daha çox uzaqdan zərbələrin sayına görə yarışan komandalar sakitcə oyunu əlavə vaxta apardılar. Yəqin ki, məsələ penalti zərbələri sonrası həll olunar, çünki komandaların riskə gedəcəyi inandırıcı görünmür.

95-ci dəqiqədə Bakı hesabı açdı. Özü də bunu istəmədən. Mərkəz xətti yaxınlığında hakim mübahisəli top təyin etdi. Bakının hücumçusu Vyaçeslav Sofroni topu XL-in cərimə meydançası tərəfinə göndərdi. O isə Kamran Ağayevin qarşısında yerə dəyib qapıdan keçdi. Bakı "fair play" qaydasını pozmadı. Kamran özünü günahlandırsın! 1:0! Bakı kuboka yaxınlaşdı!

104-cü dəqiqədə Bakı ikinci qolu vurdu. Bu dəfə bütün qaydala çərçivəsində! Aleksandr Şoliçin qolu möhtəşəm idi; sol ayaqla uzaq doqquzluğa. 2:0!

120-ci dəqiqədə Elvin Beqiri cərimə zərbəsindən əla qola imza atdı. 2:1

Matç başa çatdı. Bakı Azərbaycan kubokuna sahib çıxdı.