Ağasəlim Mircavadov: Bu dəfə biz qalib gəlmək istəyirik

XL-in baş məşqçisi Ağasəlim Mircavadov final ərəfəsində keçirilən mətbuat konfransında komandasının şanslarını dəyərləndirib.

"Kubokun finalında oynamaq hər klub üçün şərəflidir. Bundan öncə iki dəfə finalda oynamışıq və hər iki halda kuboku qazanmışıq. Bu dəfə də qalib gəlmək istəyirik. Premyer Liqanın son turunda Bakıya qarşı keçirdiyimiz görüşdə məğlub olduq. Lakin öz evimizdə heç vaxt belə aqressiv oynamamışdıq. İlk dəqiqələrdə qol imkanlarımız olsa da, faydalana bilmədik. Bəzi oyunçularımız imkanlarından aşağı səviyyədə oynadı, bu da yekun nəticəyə təsir etdi. Bakı ilə oyundan öncə söz-söhbətlər var idi. Biz çalışırıq ki, oyunlarımız həmişə təmiz idman mübarizəsində keçsin. Bu mövsüm İnter Premyer Liqanın qalib oldu, onları bu uğur münasibəti ilə təbrik edirik. İndi əsas fikrimiz kuboku qazanmaqdır. Qalib gəlib azarkeşlərimizi sevindirmək istəyirik. Final oyunundan sonra yeni mövsüm üçün hazırlıqlara başlayıb transferlər edəcəyik" – azerisport.az PFL-in rəsmi saytına istinadla xəbər verir ki, Mircavadov belə deyib.