Bakının türkiyəli vitse-prezidenti klubu tərk edir

Bakının vitse-prezidenti Tunc Afşar tutduğu postdan ayrılmaq qərarına gəlib. Azerisport.az xəbər verir ki, bu barədə lent.az məlumat yayıb.

Afşar klub prezidenti Hafiz Məmmədovun icazəsi ilə Bakını tərk edəcəyini bildirib. O, Türkiyədə fəaliyyət göstərən və özünün rəhbərlik etdiyi voleybol menecerliyi şirkətində işlərinin çoxluğunu səbəb göstərib: “Artıq yetərli dərəcədə iş gördük və bundan sonra mənim Türkiyədəki öz işlərimə daha çox vaxt ayırmaq lazımdır. Bu gün Hafiz bəylə görüşəcəyəm. Bakıdan getmək istədiyimi onun diqqətinə çatdıracağam və icazə alacağam. Bunu istefa kimi deyil, sadəcə, icazə kimi qəbul etməsini rica edəcəyəm. İnanıram ki, o, getməyimə razılıq verəcək”.