İlişib qalan KXDR, bizə gülən Litva və Latviya

FIFA yığma komandaların növbəti reytinq cədvəlini açıqlayıb. Bu reytinq cədvəlinin nəyə faydası var – mübahisəli məsələdir. Cədvəlin yığma komandaların real gücünü əks etdirib-etdirməməsi də şübhəlidir. Amma fakt odur ki, bütün dünya bu reytinqdə baş verən aylıq dəyişiklikləri diqqətlə izləyir.

 

Azerisport.az xəbər verir ki, may ayında Azərbaycan yığması oyun keçirməsə də, bir pillə irəliləyib və 109-cu pilləyə qalxıb. 110-cu yerlə 109-cu yer arasında təbii ki, ciddi bir fərq yoxdur, amma bu, az da olsa irəliləyişdir. Hərçənd, Neftçinin SSRİ çempionatında möhkəm kollektivlərdən biri olduğu vaxtda Latviya və Litva komandalarının ən yaxşı halda I divizionda mübarizə aparmasını xatırlayanda və bugünkü cədvələ göz gəzdirəndə, son 20-30 ildə nə qədər gerilədəyimizə bir daha şahidlik edirik. Postosovet məkanı ölkələri arasında Azərbaycan əvvəlki tək 10-cudur və Gürcüstanla yanaşı 4 Orta Asiya ölkəsini qabaqlayır. Bunların arasında AÇ-2012-nin seçmə mərhələsi çərçivəsində millimizlə bir qruda yer alan Qazaxıstanda var. Beləcə, yığmamız dünyada 109-cu, keçmiş SSRİ-də 10, qrupda isə 5-cidir.

 

DÇ-də çıxış edən 32 komandadan 29-u il “50-lik”də qərarlaşıb. Daha doğrusu, onların arasında ən aşağı yeri tutan Cənubi Koreya 47-cidir. “50-lik”dən kənarda Yeni Zelandiya və CAR milliləri, “100-lük”dən kənarda isə sirli KXDR var.

 

Rəqiblərimiz

 

…6. Almaniya – 1082 xal

…29. Türkiyə- 830 xal

…59. Belçika – 541 xal    

…68. Avstriya – 479 xal

...129. Qazaxıstan – 183 xal

 

Postsovet məkanı ölkələri

 

…11. Rusiya – 1015 xal

…23. Ukrayna – 875 xal

…46. Latviya – 652 xal

…49. Litva – 608 xal

...82. Belarus – 397 xal

...89. Moldova – 378 xal

...94. Özbəkistan – 354 xal

...99. Estoniya – 320 xal

100. Ermənistan – 311 xal

…120. Gürcüstan – 217 xal

…129. Qazaxıstan – 183 xal

…135. Tacikistan – 155 xal

…139. Türkmənistan – 151 xal

…168. Qırğızıstan– 74 xal

 

DÇ-2010

 

1. Braziliya – 1611 xal

2. İspaniya – 1565 xal

3. Portuqaliya – 1249 xal

4. Hollandiya – 1231 xal

5. İtaliya – 1184 xal

6. Almaniya – 1082 xal

7. Argentina – 1076 xal

8. İngiltərə - 1068 xal

9. Fransa – 1044 xal

...13. Yunanıstan  - 964 xal

14. ABŞ – 957 xal

15. Serbiya – 947 xal

16. Uruqvay – 899 xal

17. Meksika – 895 xal

18. Çili – 888 xal

19. Kamerun – 887 xal

20. Avstraliya – 886 xal

21. Nigeriya – 883 xal

...24. İsveçrə -866 xal

25. Sloveniya – 860 xal

...27. Fil Dişi Sahili – 856 xal

...30. Əlcəzair– 821 xal

31. Paraqvay – 820 xal

32. Qana – 800 xal

...34. Slovakiya – 777 xal

…36. Danimarka – 767 xal

…38. Honduras – 734 xal

…45. Yaponiya – 682 xal

…47. Cənubi Koreya– 632 xal   

…78. Yeni Zelandiya – 410 xal    

…83. CAR – 392 xal

…105. KXDR – 285 xal