Qalatasaraylı futbolçu dünya çempiontında iştirakdan imtina edə bilər

Ola bilsin ki, «Qalatasaray» futbol klubunun hücumçusu Covanni dos Santos dünya çempionatında Meksika millisinin tərkibində oynamasın. azerisport.az xəbər verir ki, futbolçu qardaşı Xonatanın yığma komandanın tərkibinə daxil edilməməsinə çox təəssüflənib.

«Məşqçinin bu qərarı Covanniyə çox pis təsir edib. O mənə dedi ki, evdə ailəsi ilə birlikdə qalmaq istəyir, - dos Santosun atası Zizinyu belə deyib. – Düzdür, oğlum indi komanda ilə birlikdədir, amma özünü yaxşı hiss etmir. Dünya çempionatında çıxış edib-etməyəcəyini bilmirik. Covanni özü deyib ki, ola bilsin, komandanı tərk etsin».