Arveladze «Kayserispor»a gətirildi

«Trabzonspor»un və «Ayaks»ın keçmiş hücumçusu Şota Arveladze Türkiyənin «Kayserispor» futbol klubuna baş məşqçi kimi gətirilib.

Ötən iki mövsüm ərzində Arveladze Hollandiyanın «Alkmaar» komandasında Lui van Qala, Ronald Kumana və Dik Advokata köməklk göstərib. Türk klubu və 37 yaşlı mütəxəssis arasında 2 illik müqavilə imzalanıb.

azerisport.az xəbər verir ki, Şota Arveladze Türkiyəyə növbəti gəlişi ilə əlaqədar bunları deyib: «Türkiyədən getdiyim son 15 il ərzində burada çox şey dəyişib. Bu ölkədə futbol çox sürətlə inkişaf edir. Bizim məqsədimiz komandanın tərəqqisi, oyun keyfiyyətinin yaxşılaşdırılması, klubun öz stilinin müəyyənləşdirilməsidir. Bütün bunlar son nəticədə Avropa kubokları uğrunda yarışlarda uğurlu çıxışa gətirib çıxarmalıdır».

Gürcü əsilli Arveladze futbolçu kimi «Ayaks», «Alkmaar», «Reyncers», «Levante» və «Dinamo» (Tbilisi) kimi klublarda forma geyib. Futbolçu karyerasını 2008-ci ildə bitirib.