TOP-10: futbolda ən ədəbsiz hərəkətlər

Dünya futbolunda ən yaddaqalan ədəbsiz hərəkətlərin ilk onluğu elan olunub

 

azerisport.az xəbər verir ki, nüfuzlu Goal portalı qeyri-adi reytinq cədvəli hazırlayıb. Burada indiyədək dünya futbolunda baş vermiş ən yaddaqalan ədəbsiz hərəkətlər toplanıb.

 

Reytinqdə ilk yeri şəkildə gördüyünüz Fabio Kapello tutub. O, 2007-ci ildə Madridin «Real» klubuna rəhbərlik edən zaman öz komandasının azarkeşlərinə əlinin orta barmağını göstərmişdi. Bu, «Real»ın pis oyun nümayiş etdirməsi ilə bağlı tənqidə cavab idi. Kapello sonradan inandırmağa çalışırdı ki, məhz həmin azarkeşlər 10 il əvvəl onu təhqir etmişdilər.

 

İkinci yeri Devid Bekhem tutub. O da elə həmin hərəkətlə ingilis azarkeşlərinə təhqirlərə görə cavab vermişdi.

 

1994-cü ildə Ştefan Effenberq alman azarkeşlərini analoji barmağı ilə harasa göndərmişdi. Bu, Cənubi Koreyaya qarşı matçda Effenberq əvəzlənərkən baş vermişdi. Həmin hadisədən sonra Ştefan bir daha Almaniya milli komandasının formasını geyə bilmədi. Effenberqin hərəkəti 3-cü yerə layiq görülüb.

 

Bunlardan başqa, TOP-10-da Maradonanın, Ronaldonun, Harri Nevillin və başqalarının da adları var.