Matteo Ferrarinin keçmiş həyat yoldaşına Vyerinin gözü düşüb (FOTO)

“Beşiktaş” klubunun müdafiəçisi Matteo Ferrarinin keçmiş həyat yoldaşı, Venesuelalı model Aida Yespika deyəsən “bütün həyatının məhəbbəti” ilə boşanandan sonra vaxtını boş keçirmək fikrində deyil. Xatırladaq ki, Aida və Matteo dəfələrlə küsüşüb-barışdıqdan sonra nəhayət ki, boşanmağa qərar vermişdilər.

 

Lakin bu yaxınlarda gözəlçə İtaliyaya səfər edib və “Fenomenal qadın” verilişinə çəkilib. Yəqin ki, darıxmamaq üçün Aida Milanı gəzmək və mağazalarda alış-veriş etmək fikrinə düşüb. Özü də tək yox, ...Vyeri ilə. İtaliya milli futbol komandasının keçmiş hücümçusu Kristian Vyeri bütün gün boyu Yespikadan bir addım da aralanmayıb. Sonda isə Aidanın qaldığı otelə gedib.

 

azerisport.az bildirir ki, hadisənin nə ilə nəticələndiyi və Vyerinin həmin gecə harda qaldığı dəqiq məlum olmasa da, bir şey gün kimi aydındır: Vyerinin istəklisi olan Melissa Satta “gəzəyən forvard”dan izahat gözləyir. Kristianın isə nə bəhanə gətirəcəyi bilinmir. Bəlkə Ferrari Vyeridən xahiş edib ki, keçmiş həyat yoldaşını gözdən qəymasın? Gülməli görünsə də, Vyeri üçün başqa bəhanə fikirləşə bilmədik.