Hollandiyalılar Riykaardı tənqid atəşinə tutublar

«Qalatasaray» futbol klubunun hollandiyalı baş məşqçisi Frank Riykaardın bu günlərdə uşaqlarının keçmiş dayəsi ilə evlənməsi barədə xəbər vermişdik.

 

azerisport.az xəbər verir ki, Hollandiyada bu evlilik birmənalı qarşılanmayıb. 47 yaşlı Frankın 32 yaşlı Stefani ilə evliliyi tənqid edilib. Yerli «De Telegraf» qəzeti yazıb: «Riykaardın keçmiş həyat yoldaşı Monika Olgersin yaxın rəfiqəsinin sözlərinə görə, Frank həmişə sakit görünürmüş. Demək ki, suyun lal axanı, adamın yerə baxanı… Monika həmişə ona güvənirdi. Amma deyəsən ən güvənməyəcəyi adam elə yanındakı əri imiş».