Denis Silva: Neftçi-yə görə Braziliyanı tərk etdim

Makedoniya yığma komandasının yarımmüdafiəçisi Slavko Georgievskinin transferindən sonra flaqman daha bir futbolçunun keçidini rəsmiləşdirib. Azerisport.az xəbər verir ki, Braziliyanın "Qremio" Prudente komandasının formasını geyən müdafiəçi Denis Silva bundan sonra "ağ-qara"lı futbolkada meydana çıxacaq.

 

Klubun inzibati binasında  müqavilə imzalanan futbolçuya "Neftçi" PFK-nın prezidenti Sadıx Sadıxov 3 nömrəli formanı təqdim edib. Klub prezidenti braziliyalı futbolçunun transferinə münasibətini bildirib: "Neftçi"nin yeni mövsümdə iddialı klub olması üçün var gücümüzlə çalışırıq. Yeni mövsümdə Azərbaycanın ən köklü komandası olan "Neftçi"nin Premyer Liqada yalnız bir hədəfi var-çempionluq. Denis Silvanın bu hədəfə çatmaq üçün bizə faydalı olacağına inanırıq".

 

Denis Silva "Neftçi"yə transfer olunmasıyla bağlı klub sairına bu fikirləri səsləndirib: "Son mövsümü Braziliya çempionatında iştirak etmişəm.Vətənimi Azərbaycanın ən öndə gələn klubu olan "Neftçi" üçün tərk etdim. Mən meydana çıxdığım bütün görüşlərdə var gücümlə mübarizə aparıram. "Neftçi" kimi iddialı kluba transfer olunduğum üçün çox sevinirəm".